De Prinsegarde ès ’n gezellige club van aod prinse di-j jaorliks ein vergadering hebbe. Op dees vergadering, di-j naeve serieuze inbring ouch de noeëdige kolder kintj, waere allerlei belangrieëke zake besproke. De belangrieëkste taak vanne prinsegarde ès ’t opneme vanne prins van ’t aafgeloupe sezoen. Dit gebeurtj jaorliks oppe Pronkzitting met ’n komische act. De aod prins ontvingtj dan de bizonger Prinsegarde steek, waodoor dudelik ès dette vanaaf det moment ongerdael ès van deze schoëne groep.