In 2010 woort Blaoskracht 11 opgerichtj door leede en neet-lede vanne harmonie. Ut talentvolle gezelschap Blaoskracht 11 ès neet alleen tiedes de vastelaovendj actief, mèr deut ouch mej aan verschillendje wedstriêde. Boeëte ut vastelaovesseizoen um neumtj de kepel zich 'Blaaskapel Blaoskracht' en speule ze Böhmische, Märische en moderne blaosmuziek. As Blaoskracht 11 zeendje veele ze mieërdere kieëre inne priêze tiedes ‘t LKZH (Limburgs Kampioenschap Zaate Hermeniekes). Ouch verzörgtj Blaoskracht 11 al jaorenlank de muzikale umliêsting vanne Buuttefinale inne Oranjerie. Un ieërvolle taak, wao vae as KV de Piepkukes hieël grueëts op zeen!