Kwikstertjes

Al vanaaf de oprichting (1963) van Karnavalsvereiniging de Piepkukes zeen d'r dansmarietjes betrokke beej oos vereiniging. Ze zeen ein belangrieëk ongerdael tiedes de plaatselikke vastelaovesactiviteite. Ouch boête oos gemeinschap verzörge ze völ optraejes tiedes toernooie, zittinge en anger gelegenhede. Eur riêke historie umvatj ‘n serie bezûndjer optraejes waobi-j: optraejes tiedes TV opnames en as tösseprogramma tiedes ‘n paar buuttefinales.

Op dit moment heet oos vereiniging dri-j dansgardes in de laeftiêd van 4 t/m 17 jaor. Ze verzörge tiedes ‘t sezoen, van 11 november tot 1 april, Garde- en Showdansen. Ouch neeme ze suksesvol dael aan verschillendje toernooie in Braobantj en Limburg.

Zin um mej te danse, laot ‘t os gerösj wete. Eederein ès welkom um ‘s unne kieër te koome kieke of um mej te oefene met de groep.
De traininge zeen op woonsdig tösse17.00 oor en 19.45 oor.

Opgaeve kan met ‘n berichtje nao Kwikstertjes@hotmail.com of door ein van de trainsters aan te spraeke.
Hopelik tot gaw!

Groetjes van Fleur, Loes, Pien en Sanne.
Trainsters van de Kwikstertjes.